Como chegou Booking a nós?

Este ano a nosa mascota da Biblioteca sufriu moito. Foi detida e ameazada de expulsión do país, todo por ser un tigre de Bengala. No centro mobilizámosnos para evitalo (conseguimolo) E tamén acabamos por pensar en cousas nas que non tiñamos reparado. 

Unha delas: que fai un tigre en Cuntis. Como chegou a nós?

E niso traballamos no Club de Lectura das Pequenas. 

Coñecemos a Calvin e Hobbes, porque Hobbes tiña para nós moito en común con Booking (non deixa de ser un boneco para a maioría da xente que cobra vida para nós). E como Calvin e Hobbes é unha tira cómica, propuxemos ao grupo elaborar a nosa tira cómica coa historia da chhegada de Booking a Cuntis. 

Entre todas en asemblea demos forma á historia. E fomos marcando en cada folio-cadriño  a acción correspondente. Despois, por grupiños de dúas ou tres persoas, deseñamos e pintamos os cadriños. 

Traballo repartido!!

Podemos sacar ideas de Calvin? Podedes!

Que vos parece se facemos así?

Inspiradísima

E, claro é, partillamos coa escola no CIE de Booking.  

Banda deseñada colectiva!!

Sempre o medo

O noso alumnado é fiel ás tradicións: o Club de Lectura facémolo a mediodía. As persoas que non temos comedor escolar xuntámonos no Salón de Actos para xantarmos xuntas. E claro, hai escenario, e hai actrices e actores, e ao final, os bocatas e as friameiras son liquidados a toda presa para poder ensaiar e representar a obra que sexa antes da hora do Club. 

Toc, toc, atendan espectadoras!

En realidade tiñamos que chamarnos Club Teatreiro e de Lectura.

Como viña aí o Samaín, decidimos partillar co alumnado Do Club das Pequenas un álbum medoñento e noxento, todo por xunto. 

De entrada había moita valentía entre o público, mais pouco a pouco foi gañando a repugnacia cara os personaxes do El gran libro de los sustos. 

Moi infantil para vós, verdade?

Até verdes o polvo zombi!!

Porén, sendo Samaín, o noso alumnado xa ten unha idea fixa metida na cachola. Metidísima. É a época de contar historias de medo!

E perante iso, ningunha proposta das profas ten éxito... 

A Butaca de Contar continúa a ter efecto fabulador nas usuarias.

Así de grande era o fantasma!!

Só a lámpada xa dá medo!

Un cachiño dunhas das historias, aquí.

A balada dos Unicornios

No grupo de 5º e 6º EP, escollemos lectura para compartir. Despois da sesión de escolla, na que presentamos os libros seleccionados polas profas e acrescentamos aqueles propostos polo alumnado do Club, a selección foi fácil e rápida: Ledicia Costas. 

Xa lemos outro ano A Señorita Bubble. E non houbo competencia posíbel ao saber que tiña obra nova: A Balada dos Unicornios. 

O día de reparto dos libros levamos un xogo para facer lectura-predicción: repartimos tarxetiñas cos títulos dos capítulos do libro e os grupos tiñan que decidir que acontecía nesa parte da obra. 

Despois, na lectura, xa contrastaríamos. 

Como sempre, marcamos os capítulos que nos comprometiamos a ler para a seguinte sesión. 

Antes de nada, conseguir que sentemos todas...

Aínda que sexa unhas por cima das outras

Pois nós pensamos que A Caverna dos Escaravellos é...

Pois nós decidimos que no capítulo da Cidade dos Cans...

Mortiña

O grupo de 3º e 4º EP decidiu no Bingo que adoraba as historias de medo, de moito medo, de moitísmo medo. 

E como Samaín anda preto, propuxemos traballar cunha historia medontísima. Collemos o último libro de Mortiña, contando que, ao ser novidade editorial, non o coñecería ningunha integrante do club e desaparecémoslle as palabras.  

É dicir, escaneamos as ilsutracións, barallámolas, e repartimos a cada grupo de nenas e nenos un lote delas. Consigna? Tedes que inventar a historia que hai agachado nos deseños. 

Os grupos precisaron algo de axuda por parte nosa...

Que puido ter acontecido aquí?

Xa temos unha idea! Este é o comezo!

Que vos parece se a nena foxe da casa e se esconde entre as hedras?

Ordenadas xa están!

A verdade é que nos levou dúas sesións, organizar as historias e partillalas co grupo. Aquí podedes coñecer unha delas. 

E claro, ao final coñecemos a Mortiña orixinal, que tamén era para iso o conto...

Bingo!!

A primeira sesión do Club de Lectura foi a mesma en todos os grupos: 

Para coñecer os nosos gustos lectores, o tipo de obras que máis chaman por nós e cales menos, fixemos o noso Bingo de Lecturas. 

A dinámica é sinxela: repartimos os cartóns entre todas as participantes, e iamos cantando as fichas. De cada item novo que saía, havía unha rolda de intervencións para comentar: un libro que me asustara moito, pois comentamos cal foi ese libro. 

Eu, eu, eu, quero falar eu!!

A verdade é que para as pequenas foi unha boa actividade de lectura rápida.

Camiño da liña!

Foi tan exitosa a actividade que, como non houbo bingo na primeira sesión, tivemos que dedicarlle unha segunda... 

Realmente somos unha chea de xente!!

Pois a miña personaxe preferida é...

Na biblio sentamos como nos cadra...

E descubrimos grandes lectoras.

Xuntanzas informativas

Este ano comezamos en tempo: en setembro organizamos as Xuntanzas Informativas para a organización dos Clubs de Lectura. 

Nun recreo Primaria, noutro recreo Secundaria. 

Procurando acomodo para a reunión.

Atentas! Non o vou explicar dúas veces!

E unha proposta nova: apeteríalle ao grupo de Secundaria participar nun Club de Album Ilustrado? 

Interesou!

Finalmente, dada a afluencia de persoas interesadas, organizamos tres grupos, que se reunirían quincenalmente:

• 3º e 4º de EP
• 5º e 6º de EP
• Secundaria: unha quincena lectura ordinaria, outra quincena, álbum ilustrado.

Somos unha chea de xente!!

O Curioso Incidente do can a medianoite

Christopher de carne e óso. É como imaxinávades? 


Podedes coñecelo con acento arxentino, tamén:

Atrevédesvos a facer algo do estilo co Curioso incidente do can a medianoite?