Enderezo descoñecido

Conta a historia de dous amigos chamados Max Eisenstein, que era dos Estados Unidos e xudeu, e Martin Schulse, que era de Alemaña. Os dous eran socios dunha galería de arte; e ademais mantiñan unha relación de irmáns. Comunicábanse mediante cartas. Un día Martin deixa de escribirlle deixándose levar polas ideas fascistas.

Outros libros que manteñan relación:

• El niño con el pijama de rayas.
• La ladrona de libros.
• El invierno del mundo.

E algunha película:

• La vida es bella.
• La lista de Schindler.
• La ola.

Redactoras: Cristina Rodríguez, Lorena Fontenla, Nerea Sanmartín, Jennifer Couso, Sara Abdulkader, Andrea Fontán e Ligia Constenla (alumnas do Club de Lectura).

Contos por palabras, Agustín Fernández Paz

As lecturas do Nadal deron moito para falar; icluso animámonos a ler un conto do libro Contos por palabras de Agustín Fernández Paz, O libro das infinitas historias. O seu título revela claramente que este exemplares, o das infinitas historias, contén todas as que desexamos, sempre e cando pasemos o dedo polgar por riba das liñas que queiramos modificar. Todos desexamos encontrar nalgún momento da nosas vidas o libro das infinitas historias.

Para rematar a sesión, disfrutamos cun libro ilustrado: El ladrón de palabras. Tanto nos gustou que decidimos que o iamos ter todos con nós unha noite, e así lelo antes de durmir, ou escoitalo na voz da nosa nai ou do noso pai. Así que o libro está nestes momentos viaxando polas casas dos nosos pequenos lectores, en Cuntis, por suposto!

Frederick, Leo Lionni

O rato Frederick

     - apaña raios de sol para os fríos días do inverno,
     - recolle cores para os días grises do inverno e
     - apunta palabras para poder contar historias.

É un poeta; un poeta co que disfrutaron os lectores máis pequenos do noso club.

Tardes con Margueritte

“Decidín adoptar a Margueritte. Pronto celebrará os seus oitenta e seis anos, máis vale non agardar demasiado. Os vellos teñen unha lixeira tendencia a morrer”.

 Así comeza a historia de Germain, un home case analfabeto, con falta de afecto maternal e que soportou as burlas do seu profesor e compañeiros por non ser quen de entender ben as cousas.

“Eu non recibín unha boa educación, adestrárome a pedradas”.

E Margueritte, unha muller adorable que sabe todo o que hai que saber sobre os libros e, sobre todo, coñece cal é a súa forza e como nos poden cambiar a vida para sempre.

 

“Explicoume que a ler se empeza escoitando. Eu pensaría máis ben que se empeza lendo. Pero díxome: “Non, non, Germain, non penses iso!, para conseguir que lles guste a lectura aos pequenos, cómpre lerlles en voz alta”. E engadiu que se iso se fai ben, máis adiante, vólvense dependentes, porque é coma unha droga. Despois, segundo van medrando, precisan libros. Resultoume estraño, pero, pensándoo ben, pareceume que no era ningunha parvada. Se me lesen contos sendo cativo, pode que metese máis a miúdo o nariz nos libros, no cande de facer parvalladas, simplemente por aburrimento”. 

 Unha historia chea de sentimento e humor; unha historia con dous personaxes inesquecibles. 

Bigu visita o club de lectura

     Os máis pequenos recibiron a Bigu con moi ledicia. Pasamos unha boa  tarde escoitando a historia deste simpático extraterrestre.

Ademais, Aitana sorprendeunos traendo un libro de adiviñas para compartir con todos nós.

     Divertímonos moito, e xa estamos desexando voltar ó club despois do NADAL. Boas festas!

  

                                   

El libro de Guillermo

Guillermo ten que encontrar un tesouro oculto na rede de libros. Para encontralo, ten que ler un bo libro e ir pasando dun a outro ata formar a rede: uns libros deben levalo a outros. Para conseguilo, conta coa axuda dun estraño personaxe que lle explica como poden estar conectados os libros. Supoño que tes interés en saber como? Pois atrévete e entra no mundo de Guillermo! Os nosos pequenos lectores xa o fixeron; agora tócache a ti. Ánimo, e sorte na búsqueda do tesouro!

Xogando coas palabras

     Xogar e xogar coas palabras é o que estiveron a facer os máis pequenos do club; os trabalinguas foron perfectos para este xogo.

     Os máis grandiños conseguiron crear unha historia. A partires da ben coñecida frase “Érase unha vez…”cada un de nós ía engadindo unha frase ó noso compañeiro. Foi moi divertido e saíunos unha historia moi, pero que moi, tola!!
Ademais, Paula leunos o libro La gran fábrica de las palabras que como llo lera a súa irmá quería compartilo con nós. Conta a historia que, nun país onde a xente case non fala, hai que mercar e tragar as palabras para poder comunicalas. Diego, un dos protagonistas do conto necesita palabras para abrir o seu corazón á fermosa Aura. Mais, cales elexir? porque, para dicir o que quere dicir, necesita unha gran fortuna!!


     Gustounos a historia de Diego e Aura. Despois estivemos a pensar que tres palabras mercariamos se tivésemos cartos. Algunhas delas foron: amigo, libro, quérote, ola, mamá…, e ti, que palabra comprarías?


      Rematamos a sesión desta tarde con un “Bingo Literario”. Estarédesvos a preguntar, que é iso? Pois moi sinxelo: escoitamos o título dun conto: “El perro que no sabía ladrar” do libro Cuentos para jugar de Giani Rodari, e en grupos tivemos que pensar en seis palabras que críamos que ían saír no conto. Despois escoitamos o conto enteiro e acertamos un montón delas…BINGOOOOOOO!!!.