martes, 3 de decembro de 2013

Xogando coas palabras






         Xogar e xogar coas palabras é o que estiveron a facer os máis pequenos do club; os trabalinguas foron perfectos para este xogo.
         Os máis grandiños conseguiron crear unha historia. A partires da ben coñecida frase “Érase unha vez…”cada un de nós ía engadindo unha frase ó noso compañeiro. Foi moi divertido e saíunos unha historia moi, pero que moi, tola!!
    Ademais, Paula leunos o libro La gran fábrica de las palabras que como llo lera a súa irmá quería compartilo con nós. Conta a historia que, nun país onde a xente case non fala, hai que mercar e tragar as palabras para poder comunicalas. Diego, un dos protagonistas do conto necesita palabras para abrir o seu corazón á fermosa Aura. Mais, cales elexir? porque, para dicir o que quere dicir, necesita unha gran fortuna!!

         Gustounos a historia de Diego e Aura. Despois estivemos a pensar que tres palabras mercariamos se tivésemos cartos. Algunhas delas foron: amigo, libro, quérote, ola, mamá…, e ti, que palabra comprarías?

          Rematamos a sesión desta tarde con un “Bingo Literario”. Estarédesvos a preguntar, que é iso? Pois moi sinxelo: escoitamos o título dun conto: “El perro que no sabía ladrar” do libro Cuentos para jugar de Giani Rodari, e en grupos tivemos que pensar en seis palabras que críamos que ían saír no conto. Despois escoitamos o conto enteiro e acertamos un montón delas…BINGOOOOOOO!!!.


        













3 comentarios:

  1. Pasámolo xenial todos xuntos lendo o libro de Guillermo.Foi o mellor día do club de lectura ;D

    ResponderEliminar
  2. A escursión foi moi divertida .Paseino moi ben!!!!!!!!!!!!!

    ResponderEliminar